Ayat 1:
Veni Creator Spiritus,
mentes tuorum visita:
Imple superna gratia
quae tu creasti pectora.

Ayat 2:
Qui diceris Paraclitus,
altissimi donum Dei,
Fons vivus, ignis, caritas,
et spiritalis unctio.

Ayat 3:
Tu septiformis munere,
digitus paternae dexterae,
Tu rite promissum Patris,
sermone ditans guttura.

Ayat 4:
Accende lumen sensibus,
infunde amorem cordibus,
Infirma nostri corporis
virtute firmans perpeti.

Ayat 5:
Hostem repellas longius,
pacemque dones protinus:
Ductore sic te praevio,
vitemus omne noxium

Ayat 6:
Per te sciamus da Patrem,
noscamus atque Filium,
Teque utriusque Spiritum
credamus omni tempore.

Ayat 7:
Deo Patri sit gloria,
et Filio, qui a mortuis
surrexit, ac Paraclito,
in saeculorum saecula. Amen.